Note d'Or

Jodi-a se fèt tout manman

Gen lan yo kap jwenn flè

Gen lot yap bay konpliman

Ak kado, ak respè.

Men, manman andeyò yo

Konbyen nan nou kap sonje yo ?

Yap redi san kanpo,

Anba soufrans, anba kou.

Se yo ki pou charye dlo,

Lan jaden, yo la depi li jou,

Lan mache se yo ki la,

Lè yo mare tòkèt-la,

Chay-la dèyè san poze

Lajounen kon lan nuit, yo toujou dispoze

Pou pitit epi pou nonm ki la, pafwa.

Fanm peyi’m ! nou gen lafwa

Nou krè lan efò san rete

Pou piti nou gen manje

Pou yo konn li pou yo rive lwen.

Tankou nou, nan pwen.

Tout kè nou, tout trip nou

Se pou pitit nou yo, san anyen pou nou.

Nou pa chik, nou tou bònman

Men, tout bon vre nou se manman !

Popularity: 5%

Be Sociable, Share!

•